ಈ ದಿನ ... ಆ ಧ್ವನಿ ...

ಎಲ್ಲರೂ ಹುಡುಕುವ ಆ ಮಧುರ ಸ್ವರದ ನಾದವನು ಈ ತರ ವರ್ಣಿಸಲೇ ನಾನು ಇಂದು ...

ನಿನ್ನ ಕಾಣದೆ ತಡಕುವ ಈ ಮನ
ನೋಡಲೆಂತು ನಿನ್ನ ಆಲಿಸಿ ಸ್ವರ
ಅರಿಯದೇ ಎಲ್ಲಿಹೆ ಅರಸಿತು ನಯನ
ಮನದಿ ಕಂಡಿತು ನಿನ್ನಯ ಈ ದಿನ

ನೆನಪಿನ ದೋಣಿಯಲಿ ನಾ ಪಯಣಿ
ಸಾಗುತಿಹೆ ಸ್ಮೃತಿ ಮಜಲನು ನಗುತ
ಹಂಬಲವ ಬೆಳೆಸುತಾ ಕಾಯುತಿಹೆ
ಕಿವಿಯೂಡುತ ಸೌಮ್ಯ ಕಂಠವ ಈ ದಿನ

ಮಧುರ ಶಭ್ದಜಾಲವ ವರ್ಣಿಸಲಾಗದೆ
ಪ್ರೇರಿಸುತ ಮತ್ತೆ ಕೇಳುವ ಬಯಕೆಯ
ತೇಲುತ ಸ್ವಪ್ನದಿ ಏಕಾಂತವ ಮರೆತು
ಮನವ ಸಂತೈಸುತಿಹೆನು ಈ ದಿನ