ಬದುಕೂ...ಇಲ್ಲ ... ಮನಸೋ...?

ಈ ಲೇಖನ ಆರಂಭವಾದದ್ದು ಗೆಳತಿಯೊಂದಿಗಿನ ಮಾತು ಮಾತಿನಲಿ ... ಕೆಲ ಗಳಿಗೆಯಲಿ ಬದುಕಿನ ಚಿತ್ತಾರವು ವಿನ್ಯಾಸವಾದ ರೀತಿಯ ಈ ಮಾತಿನೊಳು ಇರಿಸಿ ನಿಮ್ಮ ಮುಂದೆ ಇರಿಸಿಹೆನು

ಗಾಳಿಯಲಿ ತೇಲಿದ ಧೂಳಂತೆ
ಯೋಚನೆಯು ಹರಿವ ನೀರಂತೆ
ಗೊಂದಲಕೆ ತಳ್ಳುತಾ ಮನವನು
ಅಲಿಯುತಿಹುದು ಹಿಡಿಯಲಾಗದೆ

ಕತ್ತಲಿನ ವಸ್ತ್ರವ ಕಣ್ಣಿಗೆ ತೊಡಿಸಿ
ಕಷ್ಟವು ಹೊಸ್ತಿಲನು ಮುಟ್ಟುತಾ
ಕಹಿ ಕಗ್ಗತ್ತಲನು ಹಿಂಡುತಿಹುದು
ಬದುಕಿನ ಈ ಸಿಹಿಗಳಿಗೆಯಲಿ

ಯಾಕೋ ಅರಿಯದಾದೆ
ಮನವು ಬೇಸರಿಸಿ ಅತ್ತಿದೆ
ಹುಡುಕಿದೆ ಸಿಗದೇ ಮನವು
ಕಣ್ಣೀರ ಹರಿಸಿ ಬೇಸತ್ತಿದೆ