ಬರಹ

ಲೇಖನದ ಬಗ್ಗೆ ಯೋಚಿಸುತ್ತ ಬರೆದ ಈ ಕೆಲ ಸಾಲುಗಳು ..

ಒಂಟಿತನದ ಕಾರ್ಮೋಡ ಕಳೆದೆ
ಹಸಿರ ತುಂಬಿದೆ ಮಂಕಾಗಿದ್ದ ಜೀವಕೆ
ಓ ಬರಹ ಕೆಲ ಕ್ಷಣಗಳ ನಿನ್ನ ಆಲಿಂಗನ
ವ್ಯಥೆಯ ಸಮಯವ ಸಂತಸವಾಗಿಸಿದೆ

ಅರಿತಿಹೆನು ಬರಹವ ಕಲೆಯೆಂದು
ಬರಹವೇ ನಿನ್ನ ಒಲುಮೆಯ ತೋಳಲಿ
ಗೊಂದಲವಿಹ ಈ ಮನವ ಅರ್ಪಿಸಿ
ತುಂಟ ಆತ್ಮದಿ ನಿನ್ನಯ ವ್ಯಾಪಿಸು

ಒಂಟಿತನದಿ ಕಾಲಯಾಪಿಸುವ ಮನವ
ನಿನ್ನ ಎದೆಗವಚಿ ಮರೆಸು ನೀ ಏಕಾಂತವ
ನನ್ನ ಅಂತರಾತ್ಮವ ಕೆಲ ನಿಮಿಷಗಳು
ಮರೆಮಾಚಿ ಮರೆಸು ಮನದ ದುಃಖವ