ನೂರು ಆಸೆ

ಈ ಕವನವು ಯಾರಿಗಾಗಿ ಮೀಸಲು ಅವಳಿಗೋ ಇಲ್ಲ ಅವಳ ಮುದ್ದಾದ ನೋಟಕೋ...ನೀವೇ ಹೇಳಿ .. ನನ್ನ ಮನದ ಈ ತಳಮಳಕೆ ಒಂದು ಹಾದಿ

ದಿಗಂತದಿ ಸಂಧ್ಯಾವರ್ಣವನು ಕಾಯುತ
ಅವಳ ಬರುವಿಕೆಯ ಹಾದಿಯನು ನೋಡುತ
ಮನದಾಳದಿ ನೂರು ಆಸೆಯನು ತುಂಬಿರುವೆ

ಮುದ್ದಾದ ಮೊಗದ ಚಿತ್ರವ ಮನದಲಿರಿಸಿ
ಕಣ್ಣಂಚಿನಲಿ ಬಚ್ಚಿಟ್ಟ ತಂಪಾದ ಆ ಕ್ಷಣವ
ನೆನೆದು ನೂರು ಆಸೆಯನು ಹೊಂದಿರುವೆ

ನನ್ನ ಈ ಎರಡು ನಯನಗಳು ಸಾಲದೇ
ಅವಳ ಆ ನೋಟವ ಅನುಭವಿಸಲಾಗದೇ
ಮನದಲಿ ನೂರು ಆಸೆಯನು ಚಿಗುರಿಸಿರುವೆ

ಮತ್ತೆ ಮತ್ತೆ ಕಾಡುವಂತ ಆ ದೃಶ್ಯವನು
ಪ್ರತಿ ನಿತ್ಯ ನೋಡಲೆಂತು ಈ ಮನವು
ಕಾಯುತ ನೂರು ಆಸೆಯ ಕನಸನು