ಮರೆತೆಯೇಕೆ ನೀ . . .

ಜೊತೆಯಲ್ಲಿ ಆಡಿ ಕುಣಿದಾಡಿದ ದಿನಗಳ ಮರೆಯುತ್ತಾರಲ್ಲ . . . ಸಂತಸದ ಕೆಲ ಕ್ಷಣಗಳನ್ನು ನೆನಪಾಗಿಸುತ್ತಾರಲ್ಲ . . .ಇದೇಕೋ ಹೀಗೆ ಅನ್ನೋ ಯೋಚನೆಯಲಿ ಈ ಕವನ ಬರೆಯುವ ಯತ್ನ . . .

ಹರುಷದ ಆ ಸಮಯವೂ
ಕಳೆದ ಕೆಲ ನಿಮಿಷವೂ
ಜೊತೆಗೆ ನಲಿದ ಆ ದಿನವೂ
ನೆನೆಯದೆ ಮರೆತೆಯೇಕೆ ನೀ . . .

ಮರೆತರೂ ನೀ ಹೇಳುತಿದ್ದ
ಅರಿತರೂ ನೀ ನುಡಿಯುತಿದ್ದ
ಮನ ನೊಂದರೂ ನಗುತಿದ್ದ
ದಿನಗಳ ಮರೆತೆಯೇಕೆ ನೀ . . .

ನೀ ಹೇಳದ ವಿಷಯವಿಲ್ಲ
ನಾ ಕೇಳದ ಮಾತುಗಳಿಲ್ಲ
ದುಃಖವ ಮರೆವ ಸಂತಸವ
ಹೇಳಲು ಮರೆತೆಯೇಕೆ ನೀ . . .

ಜೊತೆಗೂಡಿ ನಲಿದಾಡುವ
ಜೊತೆಗೂಡಿ ಹಾರೈಸಿದ
ಗೆಳೆಯ ಗೆಳತಿಯರ ನಗು
ಮೊಗವ ಮರೆತೆಯೇಕೆ ನೀ . . .