ಓ ಗೆಳತಿ

ಏನೋ ಚಿಂತನೆಯ ನಡುವಿನಲಿ ನಿನ್ನಯ ನೆನಪು ಕಾಡಿತು ಮನದಲಿ .. ಅದೇಕೋ ಅರಿಯದು ಕವನವ ಬರೆಯೆಂದಿತು ಮನವು ... ನನ್ನ ಚಿಕ್ಕ ಯತ್ನವು ಈ ರೀತಿಯಲಿ..ಈ ಕವನವು ನಿನಗಾಗಿ ... ಓ ನನ್ನ ಗೆಳತಿ :)

ಮುದ್ದು ಮನದ ಸಿಹಿಮಾತು
ಒಲುಮೆ ತುಂಬಿದ ಮುಗುಳುನಗು
ಮನ ಮುಟ್ಟಿದ ಪ್ರೀತಿಯ ನೋಟ
ಎಲ್ಲಿಂದ ತಂದಿರುವೆ ನೀ ಓ ಗೆಳತಿ

ಕಾದಿಹುದು ನಿನಗಾಗಿ ನನ್ನೀ ಮನ
ನಿನ್ನ ನಗುವು ಕಾಡುತಿಹುದು ಈ ದಿನ
ಏನು ತೋಚದೆ ಹಾದಿಯ ನೋಡುತ
ನಿನ್ನ ಕಾಯುತಿಹೆನು ನಾ ಓ ಗೆಳತಿ

ಮುಗ್ದ ಮನದಿ ತುಂಟತನ ತುಂಬಿ
ದುಃಖ ಮರೆತು ನಗಿಸುವೆ ನೀ
ನಿನ್ನ ಜೊತೆಗಿನ ಪ್ರತಿ ಗಳಿಗೆಯೂ
ಮತ್ತೊಮ್ಮೆ ಬರಲಿ ಓ ಗೆಳತಿ

ನಿನ್ನಯ ಮಾತು ಉಲ್ಲಾಸದ ಸುಧೆಯು
ನೋವನು ಮರೆವ ಮುದ್ದಿನ ನಗುವು
ಕಳೆವ ಸಮಯವ ಹಿಡಿಯುವ ಯತ್ನವು
ನಿನ್ನೀ ಗೆಳೆಯನ ಕಾಯಕ ಓ ಗೆಳತಿ