ಈ ಮನವು

ಮನವು ಕನ್ನಡಿಯು ಮನದ ಮಾತಿದು
ವ್ಯಥೆಯ ಹಿಡಿದ ಪುಟ್ಟನೆ ಗೂಡಿದು
ಸಂತಸದಿ ನಲಿವ ಕೆಲ ಕ್ಷಣ ಮರೆತು
ಕಂಬನಿ ತರುವುದು ನಯನದಿ ಈ ಮನವು

ತೇಲುವುದು ಸವಿ ನೆನಪಿನ ಹೊಳೆಯಲಿ
ನಲಿವುದು ಹರುಷೋಲ್ಲಾಸದ ಕೆಲ ನಿಮಿಷದಲಿ
ಸಂತಸ ಕಳೆವ ಮುನ್ನ ಅಗಲಿಕೆಯ ನೆನೆದು
ಹುಡುಕುತಾ ಕಗ್ಗತ್ತಲಿ ಅಲೆವುದು ಈ ಮನವು

ಕಾಯುವುದು ತನ್ನವರ ಆಗಮನದ ಹಾದಿಯ
ವೇಳೆ ಕಳೆವುದು ಪೋಣಿಸುತ ನಿಮಿಷದ ಹಾರವ
ಅರಿತು ಮುಚ್ಚಿಡಲಾಗದೆ ತನ್ನಯ ಸಂಕಟವ
ಕಣ್ಣಲಿ ತಿಳಿಸುವ ಹಾದಿಯ ಪಡೆದಿಹುದು ಈ ಮನವು